Damals am Badifest

Ein Schnitzelbank aus alter Zeit:

Absatz

„Damals am Badifest 1974“

Absatz

Dr Buehler uf em Bleichihof,

Dä het`s im Griff,  isch Philosoph.

Er seit: Für mi isch d` Ara z`wit,

D`Gmeind nähm mi Dräck, de si mer Quitt.

“ S söll eine cho u rüttle dra,

Das Rüttle wird ihm gli vergah.

Potz Blitz u Donner, Stärneberg,

i bi dr Stigg u Du dr Zwärg!“

Da seit ihm d`Gmeind: „Du bisch nid schüch,

doch itze gälte anger Brüch!“

Absatz

Dr Präsis, e markante Ma,

Tuet ds Gmeindschiff fescht i Hände ha.

Er stüret`s suverän um d`Klippe,

Mit fürige Worte uf de Lippe.

Kämpft tapfer i der Fluet vo Akte,

Tuet gar mit höchre Mächte pakte.

Er het es Wort wie d`Brandisritter,

O we der Usblick trüeb u schitter.

Tät gschider i der Badi schwümme,

Statt sich über Akte z`chrümme.

Absatz

Im Gotthälfdorf, s`isch wältbekannt,

Git`s Frouerächtlere,  ganz markant.

Dervo isch eini bsunderbar

Scharfsinnig wie ne Fürspräch u Notar.

Zwar isch sie nid im Jagdverein,

Doch isch sie obendran ir Gmein.

Sie sitzt i allne höche Rät,

Sie het i Hände alli Dräht.

Sött`s eis e Bundesräti gä,

So wüsst Dir de, wo eini näh.

Absatz

Dr Heinzli isch e tapfre Ma,

Er wert sich, wo ner cha u ma.

Wott eine boue, wo`s nid passt,

De saget er bim Heinz i Ascht.

Ir Töibi kanzlet er ne ab,

Bis dass er chli u schwach u schlapp.

Für Umwältschutz setzt er sich i,

Sis Dorf söll schigg u suber si.

Stolz setzt er sich uf ds höchste Ross

U kämpft alleini, ohni Tross.

Absatz

Dr Ernest isch e stränge Ma,

Er luegt für d`Ornig, wo ner cha.

Tuet eine z`lang im Wirtshus hocke,

De macht sich Ernest schnäll uf d`Socke.

Preicht eine gar es Reh, statt d`Schibe,

Däm tuet er ds Preiche schön ustribe.

Si gröschti Sorg im früeche Summer

Si d`Velofahrer ohni Nummer.

I möchti nid der Ernest si,

Will er dr Brevscht im Dorf sött si.

Absatz

Ja, we dr Chünig Cheiser wär,

De wär ds Reforme nid so schwär.

Es dörft ihm niemer dri regiere,

Was är für d`Jugend tuet planiere.

U ds Anna,  ohni Furcht u Tadel,

Tät uechelüpfe är i Adel.

Die alte Fessle würde falle,

Si Ruhm würd über d`Gränze halle.

Ja, we dr Chünig Cheiser wär,

De wär ds Reforme nid so Schwär!